அப்போஸ்தலர் - அதிகாரம் 6 -முழு விளக்கம்

அப்போஸ்தலர் – அதிகாரம் 6 - விளக்கம்

அந்நாட்களிலே, சீஷர்கள் பெருகினபோது, கிரேக்கரானவர்கள், தங்கள் விதவைகள் அன்றாடக விசாரணையில் திட்டமாய் விசாரிக்கப்படவில்லையென்று, எபிரெயருக்கு விரோதமாய் முறுமுறுத்தார்கள்.

 -அப்போஸ்தலர் 6 : 1

அர்த்தம்:

"அந்நாட்களில்" = எருசலேம் திருச்சபையின் ஆரம்ப காலம், பெந்தெகொஸ்தேக்குப் பிறகு சிறிது காலத்திலேயே, விசுவாசிகளின் எண்ணிக்கை வேகமாக வளர்ந்து கொண்டிருந்தது.  ஆரம்ப தேவாலயம் வேகமாக வளர்ந்து கொண்டிருந்த அந்த நாட்களில்.

திட்டமாய் விசாரிக்கப்படவில்லையென்று - neglected (புறக்கணிப்பு)

• கிரேக்க மொழி பேசும் யூதர்கள் (Hellenistic Jews) எபிரேய மொழி பேசும் யூதர்களுக்கு (Hebraic Jews)  எதிராக முறுமுறுத்தனர்.(murmur)
• அவர்களுடைய விதவைகள் அன்றாட உணவுப் பங்கீட்டில் புறக்கணிக்கப்பட்டதாக கூறினர்.
• கிரேக்கர்கள் அவர்கள் விதவைகளுக்கு உணவு சரியாக வழங்கப்படவில்லை என்று குற்றம் சாட்டினார்கள். 
• இது இந்த இருவருக்கும் இடையான கலாச்சார வேறுபாட்டின் காரணமாக நடந்தது. 

அப்பொழுது பன்னிருவரும் சீஷர் கூட்டத்தை வரவழைத்து: நாங்கள் தேவவசனத்தைப் போதியாமல், பந்திவிசாரணை செய்வது தகுதியல்ல.

 -அப்போஸ்தலர் 6 : 2

அர்த்தம்:

அப்பொழுது - பந்தி விசாரிப்பின் முறுமுறுப்பின் போது

பன்னிருவரும் - 12 அப்போஸ்தலர்கள்

சீஷர் கூட்டம் - believers -அங்கு கூடியிருந்த விசுவாசிகள்

பந்தி விசாரணை - உணவு பரிமாறுவது -Serve tables. 

• பன்னிரு அப்போஸ்தலர்கள் விசுவாசிகள் அனைவரையும் கூட்டினர்.
• அப்போஸ்தலர்கள் தேவ வசனத்தை போதித்து கொண்டு இருந்தபடியினால், அவர்களால் அதை விட்டு விட்டு இந்த உணவு விநியோகப் பிரச்சனையை தீர்ப்பது கடினமாக இருந்தது. 
•  அதனால் தான் அப்போஸ்தலர்கள் சொல்லுகிறார்கள், இந்த பிரச்சனையை கவனிப்பதற்காக நாங்கள் தேவனுடைய வார்த்தையைப் பிரசங்கிப்பதை நிறுத்த முடியாது என்று.

ஆதலால் சகோதரரே, பரிசுத்த ஆவியும் ஞானமும் நிறைந்து, நற்சாட்சி பெற்றிருக்கிற ஏழுபேரை உங்களில் தெரிந்துகொள்ளுங்கள்; அவர்களை இந்த வேலைக்காக ஏற்படுத்துவோம்.
 -அப்போஸ்தலர் 6 : 3

அர்த்தம்:

சகோதரரே - அங்கு இருந்த விசுவாசிகள்

பரிசுத்த ஆவி - full of the spirit 

ஞானம் - wisdom

இந்த வேலைக்காக ஏற்படுத்துவோம் - responsibility 

• பரிசுத்த ஆவியும், ஞானமும் நிரம்பிய ஏழு பேரைத் தேர்ந்தெடுக்கச் சொல்கிறார்கள்.
• உணவுப் பங்கீட்டைப் பொறுப்பாக மேற்கொள்ள இவர்கள் நியமிக்கப்படுவார்கள்.
• இவர்கள் ஆங்கிலத்தில் Deacons என்று அழைக்கப்படுவார்கள். 
• ஒரு டீக்கன் என்பவர் தேவாலயத்தில் நடைமுறைத் தேவைகளுக்கு உதவுவதோடு ஊழியத்தை ஆதரிக்கும் ஒரு ஊழியர்-தலைவராக இருப்பார். 

நாங்களோ ஜெபம்பண்ணுவதிலும் தேவவசனத்தைப் போதிக்கிற ஊழியத்திலும் இடைவிடாமல் தரித்திருப்போம் என்றார்கள்.

 -அப்போஸ்தலர் 6 : 4

அர்த்தம்:

நாங்களோ - அப்போஸ்தலர்கள்

ஜெபம்பண்ணுவதிலும் - Prayer

தேவவசனத்தைப் போதிக்கிற ஊழியத்திலும் - Teaching the word

• அப்போஸ்தலர்கள் தங்கள் இரண்டு பிரதான சேவைகளை வலியுறுத்துகின்றனர். 

இந்த யோசனை சபையாரெல்லாருக்கும் பிரியமாயிருந்தது. அப்பொழுது விசுவாசமும் பரிசுத்த ஆவியும் நிறைந்தவனாகிய ஸ்தேவானையும், பிலிப்பையும், பிரொகோரையும், நிக்கானோரையும், தீமோனையும், பர்மெனாவையும், யூதமார்க்கத்தமைந்தவனான அந்தியோகியா பட்டணத்தானாகிய நிக்கொலாவையும் தெரிந்துகொண்டு,

 -அப்போஸ்தலர் 6 : 5

அர்த்தம்:

• இந்த யோசனை அனைவருக்கும் ஏற்றதாக இருந்தது.
• தேர்ந்தெடுக்கப்பட்ட 7 பேர்:
• ஸ்தேவான் 
• பிலிப்பு
• பிரொகோர்
• நிக்கானோர்
• தீமோன்
• பர்மெனா
• நிக்கோலா 
• இவர்கள் அனைவரின் பெயர்களும் “கிரேக்கப் பெயர்கள்”; புறக்கணிக்கப்பட்ட Hellenistic Jewish குழுவினர்.
• அதிகாரத்தின் தொடக்கத்தில் அவர்கள் தங்கள் விதவைகளை எல்லாரும் வித்தியாசமாக நடத்துகிறார்கள் என்று குறைப்பட்டு கொண்டதால் அவர்களில் இருந்தே 7 பேரை தேர்ந்தெடுக்கின்றனர். 

அவர்களை அப்போஸ்தலருக்குமுன்பாக நிறுத்தினார்கள். இவர்கள் ஜெபம்பண்ணி, அவர்கள்மேல் கைகளை வைத்தார்கள்.
 -அப்போஸ்தலர் 6 : 6

அர்த்தம்:

அவர்களை - அந்த ஏழு பேரையும் அப்போஸ்தலர்களுக்கு முன்பாக நிறுத்தினர்.

• அப்போஸ்தலர்கள் அவர்களுக்கு ஜெபம் செய்து, அவர்கள் மேல் கைகளை வைத்து ஆசீர்வதித்தனர்.
• அதிகாரம் மற்றும் பொறுப்பை அவர்களுக்கு வழங்குகிறார்கள்.

தேவவசனம் விருத்தியடைந்தது; சீஷருடைய தொகை எருசலேமில் மிகவும் பெருகிற்று; ஆசாரியர்களில் அநேகரும் விசுவாசத்துக்குக் கீழ்ப்படிந்தார்கள்.
 -அப்போஸ்தலர் 6 : 7

அர்த்தம்:

தேவவசனம் விருத்தியடைந்தது - Word of God increased

• தேவனுடைய வார்த்தை மிகவும் பரவியது.
• சீஷர்களின் எண்ணிக்கை மிகவும் அதிகரித்தது.
• யூத ஆசாரியர்களில் பலரும் இயேசுவை விசுவாசத்தோடு ஏற்றுக்கொண்டனர்.
• நியாயமான நிர்வாகம் என்பது தேவாலயம் வளருவதற்குத் தேவையானது என்பதை இது காட்டுகிறது.
  

ஸ்தேவான் விசுவாசத்தினாலும் வல்லமையினாலும் நிறைந்தவனாய் ஜனங்களுக்குள்ளே பெரிய அற்புதங்களையும் அடையாளங்களையும் செய்தான்.
 -அப்போஸ்தலர் 6 : 8

அர்த்தம்:

• ஸ்தேவானின் ஊழியம் ஏழு பேரில் மிக வல்லமை வாய்ந்தாக காணப்பட்டது.

அப்பொழுது லிபர்த்தீனர் என்னப்பட்டவர்களின் ஆலயத்தைச் சேர்ந்தவர்களிலும், சிரேனே பட்டணத்தாரிலும், அலெக்சந்திரியா பட்டணத்தாரிலும், சிலிசியா நாட்டாரிலும், ஆசியா தேசத்தாரிலும் சிலர் எழும்பி, ஸ்தேவானுடனே தர்க்கம்பண்ணினார்கள்.
 -அப்போஸ்தலர் 6 : 9

தற்போது இந்த இடங்களின் பெயர்கள்

லிபர்த்தீனர் - Libya

சிரேனே - Africa

அலெக்சந்திரியா - Egypt

சிலிசியா - Europe

ஆசியா - Asia 

அர்த்தம்:

• தர்க்கம் பண்ணினார்கள் - debate, argument
• வெவ்வேறு நாடுகளிலிருந்து வந்த யூதர்கள் ஸ்தேவானுடன் விவாதிக்கத் தொடங்கினார்கள்.
• ஸ்தேவான் கூறும் போதனையை அவர்களால் ஏற்றுக்கொள்ள முடியவில்லை. எனவே அவனை எதிர்த்தனர்.

அவன் பேசின ஞானத்தையும் ஆவியையும் எதிர்த்துநிற்க அவர்களால் கூடாமற்போயிற்று.

 -அப்போஸ்தலர் 6 : 10

அர்த்தம்:

அவன் -ஸ்தேவான்

• ஸ்தேவானின் ஞானத்துக்கும், பரிசுத்த ஆவியின் வார்த்தைக்கும் அவர்களால் எதிர்த்து நிற்கமுடியவில்லை.

அப்பொழுது அவர்கள்: மோசேக்கும் தேவனுக்கும் விரோதமாக இவன் தூஷண வார்த்தைகளைப் பேசக்கேட்டோம் என்று சொல்லும்படியாக மனுஷரை ஏற்படுத்தி;

 -அப்போஸ்தலர் 6 : 11

அர்த்தம்:

அப்பொழுது அவர்கள் - 6:9 ல் கொடுக்கப்பட்டுள்ள பல நாட்டு யூதர்கள். 
மோசேக்கும் - மோசே மூலம் கொடுக்கப்பட்ட நியாயப்பிரமாணத்துக்கும், 
தூஷண வார்த்தை - blasphemy (To mock or speak evil of sacred things)

• அவர்கள் பொய் சாட்சி சொல்ல சிலரை ஏற்படுத்தினார்கள். 
• ஸ்தேவான் மீது பொய் குற்றம் சாட்டினர்கள்.

ஜனங்களையும் மூப்பரையும் வேதபாரகரையும் எழுப்பிவிட்டு; அவன்மேல் பாய்ந்து, அவனைப் பிடித்து, ஆலோசனைச் சங்கத்தாருக்கு முன்பாக இழுத்துக்கொண்டுபோய்;

 -அப்போஸ்தலர் 6 : 12

அர்த்தம்:

மூப்பர் - Elders

வேதபாரகர் - teachers of religious law

ஆலோசனைச் சங்கத்தார் - high council -the Sanhedrin, the great council at Jerusalem, consisting of the seventy one members.

• அப் 6:9 ல் ஸ்தேவானுடன் தர்க்கம் பண்ணினவர்கள், அவனை பேச்சினால் வெல்ல வகை காணாமல் ஜனங்களையும், மூப்பரையும், வேதபாரகரையும் ஸ்தேவானுக்கு எதிராக எழுப்பி விட்டனர். 
• பின்பு ஸ்தேவானை ஆலோசனை சங்கத்தாருக்கு முன்பாக இழுந்து கொண்டு சென்றனர். 

பொய்ச்சாட்சிகளையும் நிறுத்தினார்கள். இவர்கள்: இந்த மனுஷன் இந்தப் பரிசுத்த ஸ்தலத்துக்கும் வேதப்பிரமாணத்துக்கும் விரோதமாகத் தூஷணவார்த்தைகளை ஓயாமற்பேசுகிறான்;

 -அப்போஸ்தலர் 6 : 13

அர்த்தம்:

பொய்சாட்சிகள் - lying witness

இவர்கள் - பொய்சாட்சிகள்

பரிசுத்த ஸ்தலத்துக்கும் - the holy temple

வேதப்பிரமாணத்துக்கும் - law of moses

தூஷண வார்த்தை - blasphemous words (தேவனுக்கு விரோதமாக)

• ஸ்தேவானை பற்றி பொய்சாட்சியை மக்கள் கூறுகின்றனர். 

எப்படியென்றால், நசரேயனாகிய அந்த இயேசு இந்த ஸ்தலத்தை அழித்துப்போட்டு, மோசே நமக்குக் கொடுத்த முறைமைகளை மாற்றுவானென்று இவன் சொல்லக்கேட்டோம் என்றார்கள்.

 -அப்போஸ்தலர் 6 : 14

அர்த்தம்:

இந்த ஸ்தலத்தை - temple, தேவாலயம்

மோசே நமக்கு கொடுத்த முறைமைகள் - Law, நியாயப்பிரமாணம்

• ஸ்தேவான் சொல்லாதவைகளை, அவன் சொன்னதாகச் சொல்லி பொய் குற்றச்சாட்டை அவன் மீது வைக்கின்றார்கள். 

ஆலோசனைச் சங்கத்தில் உட்கார்ந்திருந்த அனைவரும் அவன்மேல் கண்ணோக்கமாயிருந்து, அவன் முகம் தேவதூதன் முகம்போலிருக்கக் கண்டார்கள்.  

 -அப்போஸ்தலர் 6 : 15

அர்த்தம்:

ஆலோசனை சங்கம் - high council (எருசலேமில் உள்ள பெரிய ஆலோசனைச் சங்கம், வேதபாரகர்கள், மூப்பர்கள், பிரதான ஆசாரிய குடும்பங்களின் முக்கிய உறுப்பினர்கள் மற்றும் பிரதான ஆசாரியர், சபைத் தலைவர் போன்ற எழுபத்தொரு உறுப்பினர்களைக் கொண்டது.)

• ஸ்தேவானுடன் தேவன் இருந்தார் என்பதை இது காட்டுகிறது.