யாத்திராகமம் 17:8-16 – ஆவிக்குரிய விளக்கம்

 யாத்திராகமம் 17:8-16 – ஆவிக்குரிய விளக்கம்

சம்பவம்:

• அமலேக்கியர் இஸ்ரவேலரோடு யுத்தம் பண்ணினார்கள்.
• யோசுவா போர்க்களத்தில் யுத்தம் பண்ணினார்.
• மோசே மலையுச்சியின் மேல் தேவனுடைய கோலை உயர்த்தி பிடித்துக் கொண்டு இருந்தார்.
• ஆரோன் மற்றும் ஊர் மோசேயின் கை அசந்து போகும் போது அவன் கைகளை தாங்கினார்கள்.
• இறுதியாக, இஸ்ரவேல் வெற்றி பெற்றது, மற்றும் தேவன் அமலேக்கை வானத்தின் கீழெங்கும் இராதபடிக்கு நாசம் பண்ணுவேன் என்றார். 

1. பகைவரான அமலேக்கியர் – பாவத்தின் ஒப்புமை

• அமலேக்கியர் தேவனுடைய ஜனத்துக்கு எதிராக வந்தார்கள் - இது இப்போது நாம் இரட்சிக்கப்பட்ட பின்பு பாவம் மற்றும் சாத்தான் நம்மை எதிர்த்து நிற்பதை எடுத்துக்காட்டுகிறது.
• இஸ்ரவேலர்கள் எகிப்திலிருந்து மீட்கப்பட்ட பிறகு இந்தத் தாக்குதல் நடந்தது. 
• இதுவே முடிவற்ற ஆவிக்குரிய யுத்தம் – இரட்சிப்புக்கு பிறகு, உலகமும், சாத்தானும், மாம்ச ஆசைகளும் நம்மைத் தொடர்ந்து தாக்கும்.

மாம்சம் ஆவிக்கு விரோதமாகவும், ஆவி மாம்சத்துக்கு விரோதமாகவும் இச்சிக்கிறது; நீங்கள் செய்யவேண்டுமென்றிருக்கிறவைகளைச் செய்யாதபடிக்கு, இவைகள் ஒன்றுக்கொன்று விரோதமாயிருக்கிறது.

 -கலாத்தியர் 5 : 17

2. யோசுவா – இயேசுவின் உருவகம்

• யோசுவா யுத்தத்திற்கு முன்னணியில் நின்றார் – இது இயேசுவின் ஓர் உருவகம்.
• இயேசு நம்முடைய மீட்பராக, போராளியாக நம்மை பாதுகாக்கிறார்.

சகல யூதா கோத்திரத்தாரே, எருசலேமின் குடிகளே, ராஜாவாகிய யோசபாத்தே, கேளுங்கள்; நீங்கள் அந்த ஏராளமான கூட்டத்திற்குப் பயப்படாமலும் கலங்காமலும் இருங்கள் என்று கர்த்தர் உங்களுக்குச் சொல்லுகிறார்; இந்த யுத்தம் உங்களுடையதல்ல, தேவனுடையது.

 -2 நாளாகமம் 20 : 15

3. மோசே – ஆராதனை & ஜெபம்

• மோசே மலைமேல் அந்த கோலை தூக்கி கொண்டே இருந்ததனால், இஸ்ரவேல் ஜெயித்தது.
• இது மனிதன் ஜெபத்தில் தொடர்ந்து நிலைத்திருந்தால், ஆவிக்குரிய யுத்தத்தில் வெற்றி பெறலாம் என்பதைக் காட்டுகிறது.
• மோசேவின் கை களைத்துப் போனபோது, அமலேக்கியர் பலமானார்கள் – இதுவே தொடர்ந்த ஜெபத்தின் முக்கியத்துவம்.
• அவரை மனிதன் ஜெபித்து, ஜெபித்து சோர்ந்து போகும் போது சபையாகிய சகோதரர்களாகிய நாம் அவர்களை ஜெபத்தில் தாங்க வேண்டும். 

எந்தச் சமயத்திலும் சகலவிதமான வேண்டுதலோடும் விண்ணப்பத்தோடும் ஆவியினாலே ஜெபம்பண்ணி, அதன்பொருட்டு மிகுந்த மனவுறுதியோடும் சகல பரிசுத்தவான்களுக்காகவும் பண்ணும் வேண்டுதலோடும் விழித்துக்கொண்டிருங்கள்.

 -எபேசியர் 6 : 18

4. ஆரோன் & ஊர் – நம்முடைய ஆவிக்குரிய சகோதரர்கள்

• ஆரோனும், ஊரும் மோசேயின் கைகளை தூக்கினர் – இது ஆதரவான ஆவிக்குரிய சகோதரர்களின் அவசியத்தைக் காட்டுகிறது .
• நம்முடைய விசுவாச வாழ்க்கையில், நாம் ஒருவருக்கொருவர் உதவ வேண்டும்.

மேலும், அன்புக்கும் நற்கிரியைகளுக்கும் நாம் ஏவப்படும்படி ஒருவரையொருவர் கவனித்து;

 -எபிரேயர் 10 : 24

5. "யேகோவாநிசி" – கர்த்தர் நம்முடைய வெற்றிக் கொடி (Victory Banner)

• தேவன் "கர்த்தர் நம்முடைய கொடி" என்று கூறினார்.
• ஒரு கொடி போர்க்களத்தில் வெற்றியின் அடையாளம்.
• இயேசுவின் சிலுவை நம்முடைய வெற்றிக் கொடியாக விளங்குகிறது.

என்னிடத்தில் உங்களுக்குச் சமாதானம் உண்டாயிருக்கும்பொருட்டு இவைகளை உங்களுக்குச் சொன்னேன். உலகத்தில் உங்களுக்கு உபத்திரவம் உண்டு, ஆனாலும் திடன்கொள்ளுங்கள்; நான் உலகத்தை ஜெயித்தேன் என்றார்.  

 -யோவான் 16 : 33

முடிவுரை

1. அமலேக்கியர் – பாவத்தின் அடையாளம் (மனிதன் தன்னுடைய விசுவாச வாழ்க்கையில் எதிர்க்கும் சாத்தான் & உலக ஆசைகள்).
2. யோசுவா – இயேசுவின் உருவகம் (நம்முடைய மீட்பர் & யுத்தவீரர்).
3. மோசே – ஜெபம் மற்றும் ஆராதனையின் அவசியம்.
4. ஆரோன் & ஊர் – விசுவாச சகோதரர்கள் (ஒருவருக்கொருவர் ஆதரவாக இருக்க வேண்டும்).
5. "யேகோவாநிசி" – தேவன் நம்முடைய வெற்றி கொடி (இயேசுவின் சிலுவை நம்முடைய ஜெயத்தின் அடையாளம்).

ஆதலால், விசுவாசிகள் ஆவிக்குரிய யுத்தத்தில் ஜெயிக்க தேவனிடம் ஜெபம் செய்து, ஒருவருக்கொருவர் ஆதரவாக இருக்க வேண்டும்.