வெளிப்படுத்தின விசேஷம் - அதிகாரம் 6 விளக்கம்

வெளிப்படுத்தின விசேஷம் - அதிகாரம் 6 விளக்கம்

ஆட்டுக்குட்டியானவர் முத்திரைகளில் ஒன்றை உடைக்கக்கண்டேன். அப்பொழுது நான்கு ஜீவன்களில் ஒன்று என்னை நோக்கி: நீ வந்து பார் என்று இடிமுழக்கம்போன்ற சத்தமாய்ச் சொல்லக்கேட்டேன்.
 -வெளிப்படுத்தல் 6 : 1

• இயேசு கிறிஸ்து முதல் முத்திரையை உடைக்கிறார். 
• நான்கு ஜீவன்களில் ஒரு ஜீவன், “நீ வந்து பார்” என்று யோவானிடம் சொன்னது. 
• இயேசு கிறிஸ்துவின் 4 பரிமாணங்களை வெளிப்படுத்துகிறதான தேவதூதர்கள் தான் 4 ஜீவன்கள். 
• சிங்க முகம் இருக்கிற முதலாவது ஜீவன் தான் யோவானிடம் பேசியது. 
• சிங்க முகம் உள்ள அந்த ஜீவன் இயேசுவை ராஜாதி ராஜாவாக காண்பிக்கிறது. 
• அதாவது இயேசு ஒரு ராஜாதி ராஜாவாக அந்த முத்திரையை உடைக்கிறார். 
• முதலாவது முத்திரை உடைக்கப்படுகிற நேரத்திலே, இயேசு கிறிஸ்து ஒரு ராஜாதி ராஜாவாக உடைக்கிறார். 

நான் பார்த்தபோது, இதோ, ஒரு வெள்ளைக்குதிரையைக் கண்டேன்; அதின்மேல் ஏறியிருந்தவன் வில்லைப் பிடித்திருந்தான்; அவனுக்கு ஒரு கிரீடங்கொடுக்கப்பட்டது; அவன் ஜெயிக்கிறவனாகவும் ஜெயிப்பவனாகவும் புறப்பட்டான்.
 -வெளிப்படுத்தல் 6 : 2

• ஒரு வெள்ளைக்குதிரையை நாம் காண்கிறோம். 
• அந்த வெள்ளைக்குதிரையின் மேல் ஒருவன் அமர்ந்திருக்கிறானாம். 
• அவனுடைய கையிலே ஒரு வில் இருக்கிறது. 
• அவனுடைய தலையிலே ஒரு கிரீடம் இருக்கிறது. 
• சரியாக பார்க்கப் போனால் ராஜாவாகிய இயேசுவின் தலையில் தான் கிரீடம் இருக்க வேண்டும்.  
• அவன் தலையிலே கிரீடம் இருந்தது என்று இங்கு இல்லை. 
• அவனுக்கு கிரீடம் கொடுக்கப்பட்டுள்ளது என்று இருக்கிறது. 
• யார் அவனுக்கு அந்த கிரீடத்தைக் கொடுத்தது? இயேசு கிறிஸ்து. 
• சரித்திரத்திலே முதல் முறையாக இந்த பூமியை சகல விதத்திலேயும் நியாயந்தீர்ப்பதற்கு ஒரு அதிகாரம் கொடுக்கப்படுகிறது 
• அப்படியென்றால் அவன் யார்? 
• இயேசுவுக்கு பதிலாக ராஜரீகம் பண்ணுகிற ஒருவன். 

Antichrist:

• கிரேக்க மொழியிலே Anti என்று கொடுக்கப்பட்டுள்ளது. 
• இரண்டு அர்த்தங்கள் உண்டு. 
• ஒன்று எதிரான eg:Antibiotics 
• இரண்டு பதிலாக 
• Anti christos என்று சொல்லப்படுவது கிறிஸ்துவுக்கு விரோதமான
• Anti christos என்று சொல்லப்படுவது இயேசுவுக்கு எதிரான என்ற அர்த்தத்தையும் கொடுக்கிறது. 
• இயேசுவுக்கு பதிலான என்ற அர்த்தத்தையும் கொடுக்கிறது. 
• அந்த வெள்ளைக்குதிரையின் மேல் அமர்ந்திருப்பவன் யார்? அந்தி கிறிஸ்து. 
• கிறிஸ்துவுக்கு விரோதமாக மாத்திரமல்ல, கிறிஸ்துவுக்கு பதிலாகவும் இந்த பூமியை ஆட்சி செய்யப் போகிறவன். 

இப்போது - இயேசுவின் ஆட்சி:

• இந்த பூமியை இப்போது ஆட்சி செய்து கொண்டிருப்பது இயேசு கிறிஸ்து. 
• உலகத்திலே நடக்கிற விடயங்களை பார்த்து இது இயேசு ஆட்சி செய்வது போல தெரியவில்லையே என்று சொல்லக் கூடாது. 
• இயேசு கிறிஸ்து ஆட்சி செய்து கொண்டிருக்கிற இந்த காலகட்டத்திலேயே பிசாசு இவ்வளவு ஆட்டம் ஆடுகிறான் என்றால்,
• இயேசு இந்த பூமியில் இருந்து விலகி இயேசு கிறிஸ்து தன்னுடைய அந்த அதிகாரத்தை அப்படியே அந்திக் கிறிஸ்துவுக்கு கொடுத்துவிட்டு போன பின்னர் என்ன இந்த பூமிக்கு நடக்கப் போகிறது. 
• சபை எடுத்துக் கொள்ளப்படுகிற நேரத்தில் நாம் எடுத்துக் கொள்ளப்பட வேண்டும். 
• மத் 24 ல் உங்களுக்கு உபத்திரவம் வருகிறது என்று சொல்லப்படுவதனால் சபை அந்த உபத்திரத்திற்குள் போக வேண்டும் என்று தவறாக பிரசங்கிக்கிறார்கள். 
• I am a Dispensational pre millennial pre rapture theorist. 

அம்பு இல்லை:

• அவன் வெள்ளைக் குதிரையின் மேல் ஏறி, கிரீடம் போட்டுக் கொண்டு, கையில் வில்லைப் பிடித்துக் கொண்டு வருகிறான். 
• அதாவது ஒரு சமாதானத்தின் ராஜாவாக வருகிறான். 
• வெள்ளை என்பது சமாதானத்தைக் குறிக்கும். 
• ஒரு காரியத்தை நீங்கள் கவனித்தீர்களா? 
• வில் இருக்கிறது, அம்பு இல்லை. 
• வில் இருந்து அம்பு இல்லையென்றால் என்ன பிரயோஜனம்?
• எதில் குறி பார்த்து எய்வீர்கள்? 
• அதிலே என்ன தெரியுமா காட்டப்படுகிறது? 
• அந்திக்கிறிஸ்து இந்த பூமிக்கு வந்து சொல்லுகிறான். 
• இனி ஒருவரை ஒருவர் சண்டையிட மாட்டோம்,
• இனிமேல் சமாதானமாக, ஒற்றுமையாக இந்த உலகத்திலே நாம் இருப்போம் என்று சொல்லுவான். 
• திடீரென கிறிஸ்தவர்கள் எடுத்துக்கொள்ளப்படுவார்கள். 
• அப்போது பூமியில் மீந்திருக்கிற ஜனங்கள் பயப்படுவார்கள். 
• வேற்றுக்கிரக வாசிகள் (Alien) வந்து இந்த பூமியில் வாழ்கிற ஜனங்களை எடுத்துக் கொண்டு போய்விட்டார்கள் என நினைப்பார்கள். 
• ஐயோ, நம்மையும் அவர்கள் எடுத்துக் கொண்டு போய்விடுவார்களே! எங்களை காப்பாற்ற யாருமே இல்லையா என நினைப்பார்கள். 
• அப்போது தான் அந்திக்கிறிஸ்து இந்த முழு உலகத்திற்கும் சமாதானம் கொடுக்கப் போகிறேன் என்று சொல்லுவான். 
• அது தான் அவன் செய்யப் போகிற முதல் வேலை. 
• முழு உலகமும் அவனுடைய அதிகாரத்திற்கு கீழ்ப்படப் போகிறது. 
• அப்படி நடக்கப் போகிற காரியங்களுக்கு ஒத்த விதத்தில் சில விஷயங்கள் காட்டப்படுகிறது. 

UNPKF

• UNPKF - United Nations Peace Keeping Forces. 
• இந்த ஐக்கிய நாடுகளின் சங்கத்திலே இருந்து சமாதானத்தை காத்துக் கொள்வதற்கு ஒரு இராணுவம் ஏற்படுத்தப்படுகிறது. 
• சமாதானத்தை தக்கவைத்துக் கொள்ளக்கூடிய இராணுவப் படை. 
• அவர்கள் ஆயுதங்களோடு வருவார்கள். 
• ஆனால் அவர்களுக்கு சுடுவதற்கு தடை. 
• இஸ்ரவேலில், ஈரான், ஈராக் லும் இருக்கிறார்கள். 
• அநேக யுத்தம் நடக்கிற நாடுகளில் இவர்கள் இருக்கிறார்கள். 
• இரண்டு பேர் அங்கே சண்டை பிடித்துக் கொள்கிறார்களாம். 
• அவர்களுக்கு நடுவில் போய் நீங்கள் அடித்துக் கொள்ள வேண்டாம் என்று நிறுத்துகிற ஒரு இராணுவம். 
• ஆனால் இவர்களும் இராணுவங்களோடு தான் போகிறார்கள். 
• ஏன்? 
• வில் இருக்கிறது, அம்பு இல்லை. 
• துப்பாக்கி இருக்கிறது, ஆனால் அவர்கள் அதை பயன்படுத்த முடியாது. 
• ஏன் சமாதானத்தை கொண்டு வருபவன் துப்பாக்கியுடன் செல்ல வேண்டும். 
• அது தான் அந்திக்கிறிஸ்துவினுடைய கிரியை.
• அது போல தான் U.N Peace keeping forces கூட.
• வில்லை கொண்டு வருவான், ஆனால் அம்பை கொண்டு வருவதில்லை.
• ஆனால் அவன் ஜெயித்து கொண்டே போவான் என்று சொல்லப்படுகிறது. 
• அந்த 7 வருடம் ஆரம்பிக்கப் போகிற நேரத்திலே முதலாவது அவன் சமாதானத்தை தான் கொடுக்கப் போகிறான். 

அவர் இரண்டாம் முத்திரையை உடைத்தபோது, இரண்டாம் ஜீவனானது: நீ வந்துபார் என்று சொல்லக்கேட்டேன்.
 -வெளிப்படுத்தல் 6 : 3

• பின்னால் வருகிற ஜீவனானது காளையின் முகம் கொண்டது, அது ஊழியக்காரனைக் குறிக்கிறது. 
• அவன் முன்னாலே கிரீடம் போட்டு கொண்டு வருகிற அந்த அந்திக்கிறிஸ்துவினுடைய வேலைக்காரன். 

அப்பொழுது சிவப்பான வேறொரு குதிரை புறப்பட்டது; அதின்மேல் ஏறியிருந்தவனுக்கு, பூமியிலுள்ளவர்கள் ஒருவரையொருவர் கொலைசெய்யத்தக்கதாகச் சமாதானத்தைப் பூமியிலிருந்தெடுத்துப் போடும்படியான அதிகாரம் கொடுக்கப்பட்டது; ஒரு பெரிய பட்டயமும் அவனுக்குக் கொடுக்கப்பட்டது.
 -வெளிப்படுத்தல் 6 : 4

• முன்னாலே போகிறவன் சமாதானத்தை ஏற்படுத்துகிறான்.
• அவனுக்கு பின்னாலே வருகிறவன் சமாதானத்தை எடுத்துப் போடுகிறான். 
• முன்னாலே போகிறவன் வெள்ளைக் குதிரையில் போகிறான். 
• அவனுக்கு பின்னாலே வருகிறவன் சிவப்பு குதிரையிலே வருகிறான். 
• முன்னாலே போகிறவனுடைய கையில் வில் இருக்கிறது, அம்பு இல்லை. 
• ஆனால் பின்னால் வருகிறவனுடைய கையில் பெரிய பட்டயம் இருக்கிறது. 
• அந்திக்கிறிஸ்துவின் அதிகாரத்துக்கு கீழாக இரத்தம் சிந்துதல் நடைபெறும். 
• வெளிப்புறமாக ஒரு சமாதானத்தை காண்பிப்பான்.
• பின்னாலே ஒரு பெரிய இரத்தம் சிந்துதலை நடப்பிப்பான். 
• அந்திக்கிறிஸ்துவுக்கு தன்னுடைய வார்த்தையால் எதிர்ப்பு தெரிவிப்பவர்கள் கொலை செய்யப்படுவார்கள். 

அவர் மூன்றாம் முத்திரையை உடைத்தபோது, மூன்றாம் ஜீவனானது: நீ வந்துபார் என்று சொல்லக்கேட்டேன். நான் பார்த்தபோது, இதோ, ஒரு கறுப்புக்குதிரையைக் கண்டேன்; அதின்மேல் ஏறியிருந்தவன் ஒரு தராசைத் தன் கையிலே பிடித்திருந்தான்.
 -வெளிப்படுத்தல் 6 : 5

• தராசு சமத்துவத்தைக் காட்டுகிறது. 
• அந்திக்கிறிஸ்து வந்து என்ன பேசுவான் என்றால்,
• நமக்கு வேற்றுக்கிரக வாசிகள் என்ற எதிரி இருப்பதினாலே இந்த பூமியில் இருக்கிற நம்மிடத்திலே பணக்காரர்கள், ஏழைகள், படித்தவர்கள், படிக்காதவர்கள் என்ற அந்த வேற்றுமை நமக்கு வேண்டாம்.
• எல்லாருக்கும் சமத்துவமாக எல்லாம் கொடுக்கப்படும். 
• ஜனங்கள் எல்லாருக்கும் அது ஆசை. 
• எல்லோருக்கும் எல்லாம் சமத்துவமாக கிடைக்கப் போகிறது. 
• அந்திக்கிறிஸ்து பொருட்களின் உடைய விலையை நிர்ணயிப்பான். 

அப்பொழுது, ஒரு பணத்துக்கு ஒருபடி கோதுமையென்றும், ஒரு பணத்துக்கு மூன்றுபடி வாற்கோதுமையென்றும், எண்ணெயையும் திராட்சரசத்தையும் சேதப்படுத்தாதே என்றும், நான்கு ஜீவன்களின் மத்தியிலிருந்து உண்டான சத்தத்தைக் கேட்டேன்.
 -வெளிப்படுத்தல் 6 : 6

• யோவான் இந்த வெளிப்படுத்தல் புத்தகத்தை எழுதுகிற காலகட்டத்திலே, ஒரு பணம் என்றால் ஒரு நாள் கூலி. 
• ஒருவர் சாப்பிடுவதற்கு ஒரு படி கோதுமை வேண்டும். 
• இந்த ஒரு படி கோதுமை என்பது வயிறு நிறைய சாப்பிடுவது அல்ல. 
• ஓரளவு திருப்திப்படக் கூடிய வகையில் சாப்பிடுவது. 
• இந்த 3 படி வாற்கோதுமை என்பது சாப்பிட்ட பின்னர் கொஞ்சம் போதாதது போல இருந்தால் சாப்பிடுவது.
• இன்னும் கொஞ்சம் சாப்பிடுகிற அளவு. 
• அதாவது ஒருவனுடைய ஒரு நாள் சம்பளம் அவனுக்குக் கொடுக்கப்பட வேண்டும். 
• ஒரு நேரம் சாப்பிடுவதற்கு.
• அவன் இரண்டாம்முறை அதை எடுக்க வேண்டுமென்றால் இன்னொரு நாள் சம்பளம் அவன். செலுத்த வேண்டும். 
• சாப்பாடு இல்லையென்று இல்லை. 
• இருக்கிறது, ஆனால் அதனுடைய விலை பயங்கரமாக அதிகரிக்க போகிறது. 
• 3 வேளை சாப்பிட வேண்டுமென்றால் 3 நாள் சம்பளத்தை கொடுக்க வேண்டும். 
• ஒரு நேரம் மாத்திரம் தான் சாப்பிட முடியும். 
• மின்சாரம் கட்டணம் செலுத்த முடியாது, தண்ணீர் கட்டணம் செலுத்த முடியாது, இப்படி பல. 
• அந்திக் கிறிஸ்துவினுடைய ஆட்சி காலத்திலே மதுபானங்கள் எல்லாம் விலை குறையும். 
•  சமைக்கிற எண்ணெய், வாகனங்களுக்கு பெட்ரோல் எல்லாம் விலை குறைவாக, ஏன் இலவசமாக கூட கிடைக்கும்.
• அதாவது நாம் எண்ணெய் குடிச்சா உயிர் வாழ முடியும். 
• அந்த காலத்தில் பணம் உள்ளவர்களுக்கு மட்டும் தான் உயிர் வாழ முடியும் கொஞ்ச காலத்திற்கு. 
• ஏழைகளுடைய வயிற்றை அடிக்கப் போகிறான்.

அவர் நாலாம் முத்திரையை உடைத்தபோது, நாலாம் ஜீவனானது: நீ வந்துபார் என்று சொல்லுஞ் சத்தத்தைக் கேட்டேன்.
 -வெளிப்படுத்தல் 6 : 7

• நாலாம் ஜீவனான கழுகு பேசினது. 

நான் பார்த்தபோது, இதோ, மங்கின நிறமுள்ள ஒரு குதிரையைக் கண்டேன்; அதின்மேல் ஏறியிருந்தவனுக்கு மரணம் என்று பெயர்; பாதாளம் அவன்பின் சென்றது. பட்டயத்தினாலும், பஞ்சத்தினாலும், சாவினாலும், பூமியின் துஷ்டமிருகங்களினாலும், பூமியின் காற்பங்கிலுள்ளவர்களைக் கொலைசெய்யும்படியான அதிகாரம் அவைகளுக்குக் கொடுக்கப்பட்டது.
 -வெளிப்படுத்தல் 6 : 8

• மங்கின நிறம் என்றால் பஞ்சம், வாதையை குறிக்கும்.
• அப்போது ஜனங்களுக்கு நோய்கள் வர ஆரம்பிக்கும். 
• மாவு வாங்க பணம் இருக்காது, ஆனால் மதுபானம் இலவசமாக கிடைக்கும். 
• அத்தியாவசிய தேவைகளை கொடுக்காமல், அநாவசியமான தேவைகளை இலவசமாக கொடுக்கப் போகிறான். 
• அந்த வேதனையை இல்லாமல் ஆக்குவதற்காக குடிக்க ஆரம்பிப்பார்கள்.
• நோய்கள் வர ஆரம்பிக்கும்.
• அதனிமித்தம் அநேக மக்கள் செத்துப் போவார்கள். 
• முழு ஜனத்தொகையில் 25/100 இல்லாமல் போகப் போகிறது. 
• இதெல்லாம் நடப்பதற்கு உலகம் இப்போது இருந்தே ஆயத்தப்பட்டு கொண்டு இருக்கிறது. 

அவர் ஐந்தாம் முத்திரையை உடைந்தபோது, தேவவசனத்தினிமித்தமும் தாங்கள் கொடுத்த சாட்சியினிமித்தமும் கொல்லப்பட்டவர்களுடைய ஆத்துமாக்களைப் பலிபீடத்தின் கீழே கண்டேன்.
 -வெளிப்படுத்தல் 6 : 9

• இந்த இடத்தில் நாம் பார்ப்பது, இரத்த சாட்சிக்காரர்கள்.
• அதாவது தேவனுக்காக மரித்தவர்கள். 
• தேவனுக்காக மரித்தவர்கள் பழைய ஏற்பாட்டிலும் இருந்தார்கள். 
• புதிய ஏற்பாட்டிலும் இருந்தார்கள். 
• சபை ஆரம்பிக்கப்பட்ட பின்னர் முதல் முதல் இரத்த சாட்சியாக மரித்தவர் ஸ்தேவான். 
• யூதாஸ் மரித்த பின்னர் இயேசுவினுடைய சீஷர்கள் 11 பேர் மிகுதியாய் இருந்தார்கள். 
• அந்த 11 பேரும் தேவனுடைய இரத்த சாட்சியாக தான் மரித்தார்கள். 
• அநேகர் நினைக்கிறார்கள், இந்த வெளிப்படுத்தல் புத்தகத்தை எழுதின யோவான் அவர் இயற்கையாக மரித்து போனார் என்று. 
• அவரை இப்படி கொன்றார்கள் என்பதற்கான ஆதாரங்கள் எதுவும் இருக்கவில்லை. 
• ஆனால் ரோமாபுரியின் ஏடுகளில் எழுதப்பட்டு இருக்கிறது.
• பத்மு தீவில் இருந்து அவரை மறுபடியுமாய் கொண்டு வந்து கழுத்தை வெட்டி அவரை கொன்று இருக்கிறார்கள் என்று. 
• இப்படி அநேகர் இயேசுவுக்காக மரித்தார்கள். 
• இன்றும் மரிக்கிறார்கள். 
• ISIS மூலமாக எத்தனை கிறிஸ்தவர்கள் கொல்லப்படுகிறார்கள் தெரியுமா? 
• சபை எடுத்துக்கொள்ளப்பட்ட பின்னர் இவைகள் நடைபெறுகிறது. 

அவர்கள்: பரிசுத்தமும் சத்தியமுமுள்ள ஆண்டவரே, தேவரீர் பூமியின்மேல் குடியிருக்கிறவர்களிடத்தில் எங்கள் இரத்தத்தைக்குறித்து எதுவரைக்கும் நியாயத்தீர்ப்புச் செய்யாமலும் பழிவாங்காமலும் இருப்பீர் என்று மகா சத்தமிட்டுக் கூப்பிட்டார்கள்.
 -வெளிப்படுத்தல் 6 : 10

• இந்த சம்பவம் பலிபீடத்திலே நடைபெறுகிறது. 
• பரலோகத்திலே ஒரு பலிபீடம் இருக்கிறதா? 
• எருசலேமில் தேவாலயம் கட்டப்படுகிறது தானே!
• இப்போதைக்கு இல்லை. 
• எருசலேமில் தேவாலயம் கட்டப்படும். 
• யூதர்களுக்கு மறுபடியுமாய் பலிகளை செலுத்துவதற்கு ஒரு வாய்ப்பு கிடைக்கும். 
• உடன்படிக்கை பெட்டி மீண்டும் கிடைக்கும். 
• எருசலேமில் தேவாலயமும், தேவாலயத்துக்குள் பலிபீடமும் கட்டப்படும். 
• அங்கே தான் இந்த பலிபீடம் இருக்கிறது. 
• அதாவது இந்த ஆவிகள் எங்கே இருந்து கூப்பிடுகிறதாம்?
• பலிபீடத்தில் இருந்து, அதாவது பூமியிலே இருந்து. 
• அப்படியென்றால் சபை எடுத்துக்கொள்ளப்பட்ட பின்னர் நடக்கிற காரணத்தால், சபை காலகட்டத்தில் மரித்த தேவசாட்சிக்காரர்கள் இவர்கள் அல்லவே.
• இந்த இடத்தில் 2 விதமான குழுக்கள் இருக்கிறது. 
• கிறிஸ்தவர்களாக சபையிலே இருந்து கொண்டு, பைத்தியம் ஆடுகிற கிறிஸ்தவர்கள் இருக்கிறார்கள் தானே!
• தேவனுக்குள்ளாக உண்மையில்லை, பரிசுத்த வாழ்க்கையில்லை. சும்மா சபைக்கு போகிறார்கள், சும்மா ஜெபிக்கிறார்கள். 
• கிறிஸ்தவர்கள் என்று சொல்லிக் கொள்வதற்கு எந்த கிறிஸ்தவமும் அவர்களிடத்தில் இல்லை. 
• சபையை இயேசு கிறிஸ்து எடுத்துக்கொள்ளும் போது, அந்த நேரத்தில் ஆயத்தம் இல்லாமல் இருப்பவர்களை ஆண்டவர் விட்டுவிட்டு தான் போவார். 
• அப்படி கைவிடப்பட்ட கிறிஸ்தவர்கள் அந்த 666 இலக்கத்தை எடுக்கக் கூடாது என நினைப்பார்கள். 
• ஆனால் அந்திக்கிறிஸ்து அவர்களை கொல்லுவான். 
• தேவ வசனத்துக்காக அந்த 7 வருடங்களுக்குள்ளாக அநேகர் கொல்லப்படுவார்கள். 
• அந்த ஆவிகள் பரலோகத்துக்கு போக முடியாது. 
• ஏன்? பரதீஸ் இல்லை.
• தெசலோனிக்கே புத்தகத்தில் பவுல் எழுதியிருக்கிறார், மரித்த பரிசுத்தவான்கள் முதலில் எடுத்துக்கொள்ளப்படுவார்கள் என்று. 
• பழைய ஏற்பாட்டு பரிசுத்தவான்களும், கிறிஸ்தவர்களாக கர்த்தருக்குள் மரித்த பரிசுத்தவான்களும் பரதீஸ் - ல் இருக்கிறார்கள். 
• சபை எடுத்துக்கொள்ளப்படும் அந்த நாளிலே, பரதீஸில் உள்ள எல்லா ஆவிகளும் இந்த பூமிக்கு வந்து அவர்கள் மறுபடியுமாய் உயிர்த்தெழ ஆரம்பிப்பார்கள். 
• அதன்பின்பு பரதீஸ் என்ற ஒன்று இல்லை. 
• எனவே, அப்படிப்பட்ட ஆத்துமாக்கள் எருசலேம் தேவாலயத்து பலிபீடத்திலே வைக்கப்பட்டு இருக்கும். 
• அந்த பலிபீடத்தின் கீழ் அறைகள் கட்டப்படுமாம். 
• அந்த இடத்தில் இருந்து மகா சத்தமிட்டு கூப்பிடுகிறார்கள். 
• அதற்கு என்ன பதில் கிடைத்தது என கீழேப் பார்ப்போம். 

அப்பொழுது அவர்கள் ஒவ்வொருவருக்கும் வெள்ளை அங்கிகள் கொடுக்கப்பட்டது; அன்றியும், அவர்கள் தங்களைப்போலக் கொலைசெய்யப்படப்போகிறவர்களாகிய தங்கள் உடன்பணிவிடைக்காரரும் தங்கள் சகோதரருமானவர்களின் தொகை நிறைவாகுமளவும் இன்னுங்கொஞ்சக்காலம் இளைப்பாறவேண்டும் என்று அவர்களுக்குச் சொல்லப்பட்டது.
 -வெளிப்படுத்தல் 6 : 11

• வெள்ளை நிறம் 2 விதமான அர்த்தங்களைக் கொடுக்கும். 
• பரிசுத்தமும், நீதியும். 
• அங்கி என்றால் நீதிமான்களாக்கப்படுதல். 
• அவர்களை ஆண்டவர் நீதிமான்களாக மாற்றினார். 
• சபை எடுத்துக்கொள்ளப்படும் போது நாம் போகவில்லை என்றால், பின்பு ஒரே ஒரு சந்தர்ப்பம் தான் உண்டு போவதற்கு. 
• அந்திக்கிறிஸ்துவினுடைய முத்திரையை எடுக்காமல் இருக்க வேண்டும். 
• சபை, வசனம், பரிசுத்த ஆவி, இயேசு இவை அனைத்தையும் வைத்துக் கொண்டே நம்மால் ஒழுங்காக வாழ முடியவில்லை. 
• பின்பு எதுவும் இல்லாமல் எப்படி பரிசுத்தமாக வாழ்வது? மிக கடினம். 
• பலிபீடத்தின் மேல் இருந்து கூப்பிடும் ஆத்துமாக்களுக்கு கர்த்தர் பதிலளிக்கிறார். 
• இன்னும் கொஞ்ச பேர் கொல்லப்படப் போகிறார்கள் இந்த 7 வருடத்திலே. 
• அவர்களும் வரும் வரைக்கும் நீங்கள் காத்திருங்கள் என்று சொல்லுகிறார். 

அவர் ஆறாம் முத்திரையை உடைக்கக்கண்டேன்; இதோ, பூமி மிகவும் அதிர்ந்தது; சூரியன் கறுப்புக் கம்பளியைப்போலக் கறுத்தது; சந்திரன் இரத்தம் போலாயிற்று.
 -வெளிப்படுத்தல் 6 : 12

• இப்போது பூமியில் நூற்றுக்கு இருப்பத்தைந்து சதவீதம் அழிக்கப்பட்டு விட்டது. 
• அந்திக்கிறிஸ்துவின் காலத்திலே இந்த பூமியில் நடக்கப் போகிற சில இயற்கையான விடயங்களை குறித்து இங்கு சொல்லப்படுகிறது. 
• ஒரு பெரிய பூமி அதிர்ச்சி உண்டாகிறது. 
• பூமி அதிர்ச்சி அடிக்கடி உலகத்தில் வருகிறது. 
• இந்த பூமி அதிர்ச்சி இதுவரை இந்த உலகம் காணாத மிகப் பெரிய பூமி அதிர்ச்சியாக இருக்கும். 
• சூரிய கிரகணம் வரும் போது சூரியன் கருப்பு நிறமாக மாறும். 
• ஆனால் இது ஒரு பெரிய பூமி அதிர்ச்சியுடன் சூரியன் காணாமல் போய்விடும். 
• சந்திரன் இரத்தம் போல் ஆகப் போகிறதாம். 

அத்திமரமானது பெருங்காற்றினால் அசைக்கப்படும்போது, அதின் காய்கள் உதிருகிறதுபோல, வானத்தின் நட்சத்திரங்களும் பூமியிலே விழுந்தது.
 -வெளிப்படுத்தல் 6 : 13

• நட்சத்திரங்கள் பூமியிலே விழுந்தது என்று சொல்லப்பட்டுள்ளது. 
• அதாவது எரி நட்சத்திரங்கள்.
• இப்போதும் கூட எரி கற்கள் விழுகிறது.
• அவை கீழே விழும் போது oxygen ஓடு சேர்ந்து எரிய ஆரம்பிக்கிறது. 
• அதற்கு பேர் தான் Shooting star - வால் நட்சத்திரம் என்று சொல்லுவோம். 
• அது அப்படியே அந்த oxygen ஓடு கலந்து எரிந்து கீழே விழுகிறது. 
• அந்த கற்கள் ஒரு பெரிய கல்லாக இருந்தால் அவை எரிந்து முடிவடையும் முன்னரே பூமியில் விழும். 
• அது விழும் இடத்தில் ஒரு பெரிய குழி உண்டாகி விடும். 
• அப்படி விழுந்து தான் இந்த Dinosaur லாம் இல்லாமல் போனது. 
• அப்படி தான் சோதோம் கொமோரா இல்லாமல் போனது. 
• இப்போ இந்த முறை என்ன நடக்கப் போகிறதென்றால் அத்தி மரத்தில் இருந்து அத்திப் பழங்கள் விழுவது போல எரிகற்கள் வந்து இந்த பூமியிலே விழுமாம். 
• 1991 Jan 26 ம் தேதி, China, Bangkok இந்த இடத்தில் இருந்து எல்லாம் கண்டார்கள் என சொன்னார்கள் தானே!
• ஒரு பயங்கர வெப்பம் இந்த பூமிக்கு வரப் போகிறது. 

வானமும் சுருட்டப்பட்ட புஸ்தகம் போலாகி விலகிப்போயிற்று; மலைகள் தீவுகள் யாவும் தங்கள் இடங்களைவிட்டு அகன்றுபோயின.
 -வெளிப்படுத்தல் 6 : 14

• இந்த பூமிக்கு மேலாக Ozone Layer இருக்கிறது. 
• Oxygen னாலே நிறைக்கப்பட்ட ஒரு படலம். 
• இந்த பூமியை நோக்கி சூரியக்கதிர்கள் வருகிற நேரம் நடுவில் அந்த ozone  படலத்தை தாண்டி தான் அது பூமிக்கு வரும். 
• அந்த படலம் இருப்பதினால் சூரிய வெப்பம் நமக்கு குறைவாக தான் வருகிறது. 
• ஆனால் இப்பொழுது carbon di oxide  என்ற இந்த பூமியிலே உருவாகிற வாயுவினாலே, அநேக இராசயன திரவியங்களாலே அந்த ozone படலத்திலேயே அநேக இடங்களிலே துவாரங்கள் வர ஆரம்பித்து விட்டது. 
• அந்த துவாரங்கள் வழியாக வெப்பக்கதிர்கள் வருகிற நேரம் கொஞ்சம் பயங்கரமாக அந்த சூடு இருக்கும். 
• இப்போது முந்தி இருந்ததை விட பூமி அதிக வெப்ப நிலைக்கு மாறிவிட்டது. - Global Warming 
• அதனால் தான் ஐஸ் மலைகள் எல்லாம் உருக ஆரம்பித்து விட்டது. 
• இப்படி ஒரு ஐஸ் மலை கரைந்து வந்து தான் 
• April 14 1912 ம் ஆண்டு Titanic கப்பல் அதில் மோதி அந்த கப்பல் விபத்துக்குள்ளானது அதனால் தான். 
• இப்போது அந்த ozone படலம் அப்படியே இல்லாமல் போக போகிறது. 
• எனவே Arctic, Antarctic போன்ற அனைத்து பனிகளும் உருகப் போகிறது. 
• இந்த கடல் மட்டம் அப்படியே அதிகரிக்கப் போகிறது. 
• தீவுகள் எல்லாம் அப்படியே மூடப் போகிறது. 
• முழு உலகமும் இந்த பூமியின் வெப்பத்தை தாங்க முடியாமல் இருக்கும். 
• மேலே இருந்து விழுகிற எரிகற்கள் காரணமாக மின்சாரம் இல்லாமல் போய்விடும். 

பூமியின் ராஜாக்களும், பெரியோர்களும், ஐசுவரியவான்களும், சேனைத்தலைவர்களும், பலவான்களும், அடிமைகள் யாவரும், சுயாதீனர் யாவரும், பர்வதங்களின் குகைகளிலும் கன்மலைகளிலும் ஒளித்துக்கொண்டு,
 -வெளிப்படுத்தல் 6 : 15

• பணக்காரர்கள் அனைவருக்கும் இப்போது தெரிய வரும், ஐயோ இந்த கிறிஸ்தவர்கள் சொன்னது அனைத்தும் உண்மை தானே என்று. 
• இதை எங்களால் தாங்க முடியவி்ல்லை என்று புலம்புவார்கள். 
• அப்போது அந்த மலைகளுக்குள் ஏறி, குகைகளுக்குள் செல்வார்கள். 
• அங்கேயும் இருக்க முடியாது. அதிக வெப்பம். 

பர்வதங்களையும் கன்மலைகளையும் நோக்கி: நீங்கள் எங்கள்மேல் விழுந்து, சிங்காசனத்தின்மேல் வீற்றிருக்கிறவருடைய முகத்திற்கும், ஆட்டுக்குட்டியானவருடைய கோபத்திற்கும் எங்களை மறைத்துக்கொள்ளுங்கள்;
 -வெளிப்படுத்தல் 6 : 16

• நாங்கள் சாக வேண்டும் என நினைப்பார்கள். 
• அவர்கள் சாவைத் தேடுவார்கள், ஆனால் அவர்களுக்கு சாவு கிடைக்காது. 

அவருடைய கோபாக்கினையின் மகா நாள் வந்துவிட்டது, யார் நிலைநிற்கக்கூடும் என்றார்கள்.  
 -வெளிப்படுத்தல் 6 : 17

• அப்படி ஒரு காலம் அந்த 7 வருடங்களுக்குள் வரும். 
• ஆண்டவர் எச்சரிக்கை கொடுக்கிறார், வாய்ப்பு கொடுக்கிறார்.
• எனவே, ஆண்டவருக்குள்ளாக நாம் சரியாக இருந்து நாம் எடுத்துக்கொள்ளப்பட வேண்டும்.