காத்திருக்கிறேன் கர்த்தரின் கரங்களில்

காத்திருக்கிறேன் கர்த்தரின் கரங்களில்

நான்: எனக்கு எப்போது திருமணம் நடக்கும்?

கர்த்தர்: பொறுமையாக காத்திரு.

நான்: எத்தனை நாட்கள் காத்திருக்க வேண்டும் அப்பா.

கர்த்தர்: பதில் இல்லை……

நான்: எனக்கு பதில் சொல்லுங்களேன் அப்பா…

கர்த்தர்: மறுபடியும் பதில் இல்லை……

நான்: உங்கள் வார்த்தைக்கு 

கீழ்ப்படிய மனதாயிருக்கிறேன்

ஆனால் மாம்சத்தின் ஏக்கம்

என்னை அலைகழிக்கிறதே!😭😭😭

கர்த்தர்: கர்த்தரைத் தேடு

மற்றதை மறந்து விடுவாய்

நான்: சரிங்க அப்பா. தேடுகிறேன்

(ஜெபித்தேன் 3 வேளையும், வேதம் வாசித்தேன் 2 வேளை)

கர்த்தர்: 🥰

நான்: சில நேரங்களில் ஜெபிக்க முடியவில்லை, வேதம் வாசிக்க முடியவில்லை. உலக வேலைகள் என்னை இழுக்கிறதே!

கர்த்தர்: அது பரவாயில்லை. இன்று மறுபடியும் என்னைத் தேடு

நான்: சரிங்க அப்பா. தேடுகிறேன்

(இது போல பலமுறை நடந்தது)

நான்: அப்பா, திருமண எதிர்ப்பார்ப்புகள் என்னை பாடாய் படுத்துகிறதே!

கர்த்தர்: இணையதளத்தில் எதையும் பார்க்காதே

அது உன் ஆசையை தூண்டும்

நான்: என்னால் பார்க்காமல் இருக்க முடியவில்லையே (இன்றுவரை) 

கர்த்தர்: ஜெபித்துக் கொண்டே இரு. ஒரு நாள் அனைத்தும் மாறும்.

நான்: ஜெபித்துக் கொண்டிருக்கிறேன். திருமணம் என்ற ஒற்றைச் சொல் என்னை இவ்வளவு பலவீனப்படுத்துகிறதே தகப்பனே!

கர்த்தர்: அது அந்த சொல்லினால் அல்ல, மாம்சத்தினாலும், பிசாசினாலும் ஏற்படுகிற உணர்வு.

நான்: மனுஷன் தனியாக இருப்பது நல்லதல்ல-னு நீங்க சொல்லி இருக்கீங்களே அப்பா

கர்த்தர்: ஆம். உண்மை தான். நான் உனக்கு தரமாட்டேன் என்று சொல்லவேயில்லையே

நான்: சரி தான் அப்பா. ஆனால் எனக்கு காத்திருக்குதல் கஷ்டமாக இருக்கிறதே. என் வயது என்னை எப்போதும் கலங்கப் பண்ணுகிறதே

கர்த்தர்: கலங்காதே மகளே! நீ வெகுநாட்கள் காத்திருந்து விட்டாய், இனி கொஞ்ச நாட்கள் தான். தைரியமாக இரு. 

நான்: சரிங்க அப்பா, காத்திருக்கும் வலிமையை கொடுங்க தகப்பனே!

கர்த்தர்: என் கரங்களில் உன்னை தாங்குகிறேன், மகளே! பயப்படாதே!

நான்: காத்திருக்கிறேன் கர்த்தரின் கரங்களில்!!! 

(இந்த உரையாடல் ஒரு நாள் நிறைவு பெறும். என் திருமணம் முடியும் நாளில்.., காத்திருக்கிறேன் கர்த்தரின் கரங்களில்)

என் ஆத்துமா உம்மைத் தொடர்ந்து பற்றிக்கொண்டிருக்கிறது; உமது வலதுகரம் என்னைத் தாங்குகிறது.

 -சங்கீதம் 63 : 8

நெடுங்காலமாய்க் காத்திருக்குதல் இருதயத்தை இளைக்கப்பண்ணும்; விரும்பினது வரும்போதோ ஜீவவிருட்சம்போல் இருக்கும்.

 -நீதிமொழிகள் 13 : 12