உறுதியாக இருங்கள்

                       உறுதியாக இருங்கள்

பரிசுத்த ஆவியானவரின் பெயர்களில் எனக்கு மிகவும் பிடித்த ஒன்று "ஆறுதல்". 

• ஒளிக்காக நாம் சூரியனிடம் கெஞ்ச வேண்டியதில்லை என்பது போல, ஆறுதலுக்காக நாம் பரிசுத்த ஆவியிடம் கெஞ்ச வேண்டியதில்லை. 
• ஏனென்றால் அவர் பெயரே ஆறுதல்! 
• நீங்கள் ஒரு மோசமான நேரத்தைச் சந்திக்கும் போதெல்லாம், பரிசுத்த ஆவியானவர் அதில் தம்முடைய ஆறுதலைப் பற்றிய அதிக உணர்வைத் தரும்படி ஜெபிக்கவும். 

இயேசு சொன்னார், “துக்கப்படுகிறவர்கள் பாக்கியவான்கள், அவர்கள் ஆறுதலடைவார்கள்.”

-மத்தேயு 5:4

• நம் அனைவருக்கும் ஒரு சமயம் அல்லது இன்னொரு சமயத்தில் கடினமான நேரங்கள் ஏற்படும். 
• வலியும் இழப்பும் வாழ்வின் ஒரு பகுதி. 
• ஒவ்வொருவருக்கும் தங்கள் வாழ்வில் தாங்கள் விரும்பும் ஒருவர் இறந்திருப்பார்கள் அல்லது விலகிச் சென்றிருப்பார்கள்.
• ஒவ்வொருவரும் எப்போதாவது, எப்போதாவது, எதையாவது அல்லது யாரையாவது இழந்திருப்பார்கள். 
• எல்லோரும் ஏமாற்றம், மனச்சோர்வு அல்லது ஒருவித பெரும் வேதனையை அனுபவித்து இருப்பார்கள். 
• இவை ஏன் நடக்கின்றன என்பதற்கு பல வேறுபட்ட காரணங்கள் இருக்கின்றன.
• ஆனால் என்ன நடந்தாலும், நாம் தேவனை அழைக்கும்போது
• அதிலிருந்து நல்லதைக் கொண்டுவர தேவன் எப்போதும் ஆயத்தமாக இருக்கிறார். 
• உங்கள் வேதனைக்கான சாத்தியமான காரணங்களை உங்களால் புரிந்து கொள்ள முடிந்தால், 
• அது உங்கள் வலியை சமாளிக்கவும்,அதன் மத்தியில் நீங்கள் நம்பிக்கையில் வளரவும் உதவும்.

மோசமான நேரங்களுக்கான 4 காரணங்கள்:

1. சில சமயங்களில் உங்களுக்கு கடினமான சூழ்நிலைகள் வரும்பொழுது, தேவனின் மகிமையும், வல்லமையும் உங்கள் மூலமாகவும் வெளிப்படும்

அவர் அப்புறம் போகையில் பிறவிக்குருடனாகிய ஒரு மனுஷனைக் கண்டார். 

-யோவான் 9 : 1
அப்பொழுது அவருடைய சீஷர்கள் அவரை நோக்கி: ரபீ, இவன் குருடனாய்ப் பிறந்தது யார் செய்த பாவம், இவன் செய்த பாவமோ, இவனைப் பெற்றவர்கள் செய்த பாவமோ என்று கேட்டார்கள். 

-யோவான் 9 : 2 

இயேசு பிரதியுத்தரமாக: அது இவன் செய்த பாவமுமல்ல, இவனைப் பெற்றவர்கள் செய்த பாவமுமல்ல, தேவனுடைய கிரியைகள் இவனிடத்தில் வெளிப்படும்பொருட்டு இப்படிப் பிறந்தான்.

-யோவான் 9 : 3

• அந்த நேரத்தில் சில விஷயங்கள் ஏன் நடக்கின்றன என்பதை உங்களால் புரிந்து கொள்ள முடியாமல் போகலாம்.
• ஏன். இந்த பூமியில் உங்களால் அறிய முடியாமலும் போகலாம்.
• ஆனால் கடினமான சூழ்நிலையில் நீங்கள் தேவனிடம் ஜெபிக்கும்போது, ​​​​அவர் நல்லதையே உங்களுக்கு செய்வார். 

அன்றியும், அவருடைய தீர்மானத்தின்படி அழைக்கப்பட்டவர்களாய்த் தேவனிடத்தில் அன்புகூருகிறவர்களுக்குச் சகலமும் நன்மைக்கு ஏதுவாக நடக்கிறதென்று அறிந்திருக்கிறோம்.

 -ரோமர் 8 : 28

• உங்கள் சோதனைகளால் மற்றவர்கள் ஊக்குவிக்கப்படுவார்கள்.
• தேவன் தங்களுக்கும் அவ்வாறே செய்வார் என்ற நம்பிக்கை அவர்களுக்கு இருக்கும். 
• பிரச்சனைகளுக்கு நடுவில் நாம் பலத்துடன் இருப்பதை பார்க்கும் மற்றவர்களுக்கு அவர்கள் வாழ்வின் பிரச்சினையில் ஒரு தைரியத்தைக் கொடுக்கும்.
  

2. சில சமயங்களில் தேவன் உங்களை ஒரு சிறந்த நபராக மாற்றுவதற்கு கடினமான காலங்களை கடந்து செல்ல அனுமதிக்கிறார். 

இப்படியிருக்க, கிறிஸ்து நமக்காக மாம்சத்திலே பாடுபட்டபடியால், நீங்களும் அப்படிப்பட்ட சிந்தையை ஆயுதமாகத் தரித்துக்கொள்ளுங்கள்.

 -1 பேதுரு 4 : 1

ஏனென்றால் மாம்சத்தில் பாடுபடுகிறவன் இனி மாம்சத்திலிருக்கும் காலம்வரைக்கும் மனுஷருடைய இச்சைகளின்படி பிழைக்காமல் தேவனுடைய சித்தத்தின்படியே பிழைக்கத்தக்கதாகப் பாவங்களை விட்டோய்ந்திருப்பான்.

 -1 பேதுரு 4 : 2

• அதாவது, கடினமான காலங்களில் நாம் படும் துன்பங்கள் நம் வாழ்விலிருந்து பாவத்தையும், சுயநலத்தையும் எரித்துவிடும். 
• எனவே தான் தேவன் துன்பத்தை நம் வாழ்வில் அனுமதிக்கிறார்.
• அதனால் நாம் நமக்காக வாழாமல், அவருக்காக வாழ கற்றுக்கொள்வோம்.
• நம் விருப்பத்தை செய்யாமல், தேவனுடைய சித்தத்தை செய்வோம். 
• அந்த நேரத்தில் அது கஷ்டமாகத் தான் இருக்கும்.
• ஆனால் நாம் எல்லாவற்றையும் விட்டுவிட்டு, வாழ்க்கையில் மிக முக்கியமான ஒன்றைப் பற்றிக்கொள்ள வேண்டும் என்று தேவன் விரும்புகிறார்.
• எனவே, உங்கள் கடினமான காலங்களில் தேவன் ஒருவரே உங்களுக்கு வலிமை தர முடியும்!

3. சில நேரங்களில் தேவன் உங்கள் துன்பங்களில் உங்களை ஒழுங்குபடுத்துகிறார். 

• ‘ஒழுக்கமாக இருக்க வேண்டும்’ என்று யாராவது அறிவுரை கூறினாலே நமக்கு பிடிக்காது. 
• ஆனால் நம்மை ஒழுங்குப்படுத்திக் கொள்ளும்போது வாழ்வில் முக்கியமான விஷயங்களை நாம் கற்றுக்கொள்கிறோம். 

அன்றியும்: என் மகனே, கர்த்தருடைய சிட்சையை அற்பமாக எண்ணாதே, அவரால் கடிந்துகொள்ளப்படும்போது சோர்ந்துபோகாதே.

 -எபிரேயர் 12 : 5 

கர்த்தர் எவனிடத்தில் அன்புகூருகிறாரோ அவனை அவர் சிட்சித்து, தாம் சேர்த்துக்கொள்ளுகிற எந்த மகனையும் தண்டிக்கிறார் என்று பிள்ளைகளுக்குச் சொல்லுகிறதுபோல உங்களுக்குச் சொல்லியிருக்கிற புத்திமதியை மறந்தீர்கள்.

 -எபிரேயர் 12 : 6 

நீங்கள் சிட்சையைச் சகிக்கிறவர்களாயிருந்தால் தேவன் உங்களைப் புத்திரராக எண்ணி நடத்துகிறார்; தகப்பன் சிட்சியாத புத்திரனுண்டோ?

 -எபிரேயர் 12 : 7 

எல்லாருக்கும் கிடைக்கும் சிட்சை உங்களுக்குக் கிடையாதிருந்தால் நீங்கள் புத்திரராயிராமல் வேசிப்பிள்ளைகளாயிருப்பீர்களே.

 -எபிரேயர் 12 : 8 

அன்றியும், நம்முடைய சரீரத்தின் தகப்பன்மார்கள் நம்மைச் சிட்சிக்கும்போது, அவர்களுக்கு நாம் அஞ்சி நடந்திருக்க, நாம் பிழைக்கத்தக்கதாக ஆவிகளின் பிதாவுக்கு வெகு அதிகமாய் அடங்கி நடக்கவேண்டுமல்லவா?

 -எபிரேயர் 12 : 9 

அவர்கள் தங்களுக்கு நலமென்று தோன்றினபடி கொஞ்சக்காலம் சிட்சித்தார்கள்; இவரோ தம்முடைய பரிசுத்தத்துக்கு நாம் பங்குள்ளவர்களாகும் பொருட்டு நம்முடைய பிரயோஜனத்துக்காகவே நம்மைச் சிட்சிக்கிறார்.

 -எபிரேயர் 12 : 10 

எந்தச் சிட்சையும் தற்காலத்தில் சந்தோஷமாய்க் காணாமல் துக்கமாய்க் காணும்; ஆகிலும் பிற்காலத்தில் அதில் பழகினவர்களுக்கு அது நீதியாகிய சமாதான பலனைத் தரும்.

 -எபிரேயர் 12 : 11

• தேவன் நாம் எதிர்கொள்ளும் இக்கட்டான பிரச்சனைகளில் எப்போதும் நமக்கு ஏதாவது கற்பிக்க முயற்சிக்கிறார். 
• அவர் நம்முடைய நன்மைக்காகவும், அவருடைய பரிசுத்தத்தில் நாம் பங்குதாரர்களாக இருக்க வேண்டும் என்பதற்காக தான் நம்மை சிட்சிக்கிறார். 

என் மகனே, நீ கர்த்தருடைய சிட்சையை அற்பமாக எண்ணாதே, அவர் கடிந்துகொள்ளும்போது சோர்ந்துபோகாதே.

 -நீதிமொழிகள் 3 : 11

தகப்பன் தான் நேசிக்கிற புத்திரனைச் சிட்சிக்கிறதுபோல, கர்த்தரும் எவனிடத்தில் அன்புகூருகிறாரோ அவனைச் சிட்சிக்கிறார்.

 -நீதிமொழிகள் 3 : 12

• நீங்கள் கெட்ட நேரங்களைச் சந்திக்கும்போது, ​​இந்தச் சூழ்நிலையில் “நான் எதைப் பார்க்க வேண்டும்” அல்லது “எதை கற்றுக்கொள்ள வேண்டும்” என்பதைக் காட்டும்படி தேவனிடம் கேளுங்கள்.
• நீங்கள் கற்றுக்கொண்ட பாடம் எப்போதும் உங்களை வலிமையாக்கும். 
• "வலியில் ஒரு நோக்கம் இருக்கிறது" (There is purpose in pain) இந்த பழமொழியை நினைவில் கொள்ளுங்கள். 

4. சில நேரங்களில் நமக்கு ஏற்படும் வருத்தம், சோகம், துக்கம் அல்லது கடினமான காலங்களில் ஏற்படும் வலிகள் இவைகளெல்லாம் முற்றிலும் சாத்தானின் வேலை. 

• சாத்தான் எப்பொழுதும் உங்களை துன்பத்தில் ஆழ்த்தி உங்கள் வாழ்வை அழிக்க நினைக்கிறான். 

தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான்.

 -1 பேதுரு 5 : 8

விசுவாசத்தில் உறுதியாயிருந்து, அவனுக்கு எதிர்த்து நில்லுங்கள்; உலகத்திலுள்ள உங்கள் சகோதரரிடத்திலே அப்படிப்பட்ட பாடுகள் நிறைவேறிவருகிறதென்று அறிந்திருக்கிறீர்களே.

 -1 பேதுரு 5 : 9

கிறிஸ்து இயேசுவுக்குள் நம்மைத் தமது நித்திய மகிமைக்கு அழைத்தவராயிருக்கிற சகல கிருபையும் பொருந்திய தேவன்தாமே கொஞ்சக்காலம் பாடநுபவிக்கிற உங்களைச் சீர்ப்படுத்தி, ஸ்திரப்படுத்தி, பலப்படுத்தி, நிலைநிறுத்துவாராக;

 -1 பேதுரு 5 : 10

• நீங்கள் கர்த்தரை அழைக்க கற்றுக்கொள்ள வேண்டும் என்று தேவன் விரும்புகிறார். 
• அப்போது தான் அவர் உங்களை எதிரியிடமிருந்து விடுவிக்க முடியும்.
• தேவன் உங்களை கடினமான காலங்களில் வழிநடத்தும் போது, நீங்கள் விசுவாசத்தில் நடக்க கற்றுக்கொள்ள வேண்டும் என்று கர்த்தர் விரும்புகிறார்.
• உங்கள் சோதனைகளுக்கு மத்தியில் நீங்கள் அவரை நம்ப கற்றுக்கொள்ள வேண்டும் என்று அவர் விரும்புகிறார்.
• உங்களுடைய வலியையும், சோகத்தையும் குறித்து யாரும் கவலைப்படப் போவதில்லை. 
• நீங்கள் குறிப்பாக சோகம், இழப்பு, பேரழிவு அல்லது ஏமாற்றம் போன்ற கடினமான நேரங்களை சந்திக்கும் போது, ​​
• நீங்கள் காயப்பட்டிருக்கிறீர்கள் என்பதையும், வலியிலிருந்து விடுபட விரும்புகிறீர்கள் என்பதையும் தாண்டி எதையும் சிந்திக்க முடியாது. 
• ஆனால் நீங்கள் ஜெபித்து, உங்கள் வலியின் நடுவில் தேவனைப் மகிமைப்படுத்தக் கற்றுக்கொண்டால், 
• அவர் உங்களுக்காக எதிரியைத் தோற்கடிப்பார் என்பதை நீங்கள் நினைவில் கொள்ள வேண்டும். 
• நீங்கள் நினைத்துப் பார்க்க முடியாத வலியிலிருந்து நல்லது வரும்.

நீங்களே உங்களுக்கு ஆறுதல்:

• “நாம் ஒருவருக்காக அவர்கள் பிரச்சினைகளில் கூட இருக்க வேண்டும்” என்பதைக் கற்றுக் கொள்ளுங்கள்.
• அது அவர்கள் பிரச்சினைகளை காது கொடுத்து கேட்பதாக மட்டும் கூட இருக்கலாம்.
• “கர்த்தர் உங்களை எப்படி ஆறுதல்படுத்தினார்” என்ற உங்கள் உதாரணத்தின் மூலம் ‘மற்றவர்களை எப்படி ஆறுதல்படுத்துவது’ என்பதை அறிந்து கொள்ளுங்கள்.
• தேவனுடைய ஆறுதலைப் பெறுவது மட்டுமல்லாமல், 
• மற்றவர்கள் இதேபோன்ற போராட்டங்களைச் சந்திக்கும் போது நீங்கள் அவர்களுக்கு எப்படி ஆறுதல் அளிக்கலாம் என்பதையும் அறிந்து கொள்ளுங்கள்.

நமது கர்த்தராகிய இயேசுகிறிஸ்துவின் பிதாவாகிய தேவனும், இரக்கங்களின் பிதாவும், சகலவிதமான ஆறுதலின் தேவனுமாயிருக்கிறவருக்கு ஸ்தோத்திரம்.

 -2 கொரி 1 : 3

தேவனால் எங்களுக்கு அருளப்படுகிற ஆறுதலினாலே, எந்த உபத்திரவத்திலாகிலும் அகப்படுகிறவர்களுக்கு நாங்கள் ஆறுதல்செய்யத் திராணியுள்ளவர்களாகும்படி, எங்களுக்கு வரும் சகல உபத்திரவங்களிலேயும் அவரே எங்களுக்கு ஆறுதல்செய்கிறவர்.

 -2 கொரி 1 : 4

எப்படியெனில், கிறிஸ்துவினுடைய பாடுகள் எங்களிடத்தில் பெருகுகிறதுபோல, கிறிஸ்துவினாலே எங்களுக்கு ஆறுதலும் பெருகுகிறது.

 -2 கொரி 1 : 5

ஆதலால், நாங்கள் உபத்திரவப்பட்டாலும் அது உங்கள் ஆறுதலுக்கும் இரட்சிப்புக்கும் ஏதுவாகும்; நாங்கள் ஆறுதலடைந்தாலும் அதுவும் உங்கள் ஆறுதலுக்கும் இரட்சிப்புக்கும் ஏதுவாகும்; நாங்கள் பாடுபடுகிறதுபோல நீங்களும் பாடுபட்டுச் சகிக்கிறதினாலே அந்த இரட்சிப்பு பலன்செய்கிறது.

 -2 கொரி 1 : 6

துன்பங்கள் மற்றவர்களின் துன்பங்களுக்கான உங்கள் இரக்கத்தை அதிகரிக்கிறது

பிரியமானவர்களே, உங்களைச் சோதிக்கும்படி உங்கள் நடுவில் பற்றியெரிகிற அக்கினியைக்குறித்து ஏதோ புதுமையென்று திகையாமல்,

 -1 பேதுரு 4 : 12

கிறிஸ்துவின் மகிமை வெளிப்படும்போது நீங்கள் களிகூர்ந்து மகிழும்படியாக அவருடைய பாடுகளுக்கு நீங்கள் பங்காளிகளானதால் சந்தோஷப்படுங்கள்.

 -1 பேதுரு 4 : 13

கிறிஸ்து இயேசுவுக்குள் நம்மைத் தமது நித்திய மகிமைக்கு அழைத்தவராயிருக்கிற சகல கிருபையும் பொருந்திய தேவன்தாமே கொஞ்சக்காலம் பாடநுபவிக்கிற உங்களைச் சீர்ப்படுத்தி, ஸ்திரப்படுத்தி, பலப்படுத்தி, நிலைநிறுத்துவாராக;

 -1 பேதுரு 5 : 10

என் சகோதரரே, நீங்கள் பலவிதமான சோதனைகளில் அகப்படும்போது,

 -யாக்கோபு 1 : 2

உங்கள் விசுவாசத்தின் பரீட்சையானது பொறுமையை உண்டாக்குமென்று அறிந்து, அதை மிகுந்த சந்தோஷமாக எண்ணுங்கள்.

 -யாக்கோபு 1 : 3

நீங்கள் ஒன்றிலும் குறைவுள்ளவர்களாயிராமல், பூரணராயும் நிறைவுள்ளவர்களாயும் இருக்கும்படி, பொறுமையானது பூரணகிரியை செய்யக்கடவது.

 -யாக்கோபு 1 : 4

ஜெப வல்லமை:

• ஆண்டவரே, நாங்கள் எந்த மோசமான சமயங்களை சந்தித்தாலும், எந்த வகையான கருமேகங்கள் எங்கள் வாழ்க்கையில் குடியேறினாலும், நீங்கள் எங்களுக்கு ஆறுதல் அளிப்பவர் என்பதை நினைவில் கொள்ள எங்களுக்கு உதவுங்கள்! 
• உங்களால் மாத்திமே எங்களை புயலுக்கு மேலேயும், உங்கள் முன்னிலையிலும் உயர்த்த முடியும்.
• நாங்கள் அனுபவிக்கும் இழப்பை உங்களால் மட்டுமே எடுத்துக்கொண்டு, அந்த வெறுமையான இடத்தை நல்லவற்றால் நிரப்ப முடியும்.
• துக்கம் மற்றும் வலியின் சுமையை உங்களால் மட்டுமே எடுத்துக்கொண்டு, அதில் இருந்து நேர்மறையான ஒன்றைக் கொண்டு வர முடியும்..
• நாங்கள் கடினமான பாதைகளில் செல்லும் போது, எங்களுடன் தங்கியிருக்கும் உங்கள் ஆவியைப் பற்றிய அதிக உணர்வைப் பெற எங்களுக்கு உதவுங்கள். 
• கடினமான நேரங்களில் நாங்கள் பலவீனமடையாமல், பலத்துடன் இருக்க உதவுங்கள்.  
• எங்கள் விசுவாசத்தை அதிகரிக்க எங்களுக்கு உதவுங்கள். 
• எங்கள் சோதனைகளுக்கு மத்தியில் நாங்கள் நம்பிக்கையற்றவர்களாக மாறாமல், உமது சத்தியத்தில் வலுவாக நிற்கவும், எங்கள் உணர்ச்சிகளால் அடித்துச் செல்லப்படாமல் இருக்கவும் எங்களுக்கு உதவுங்கள். 
• ‘எப்பொழுதும் உமக்கு நன்றி செலுத்த வேண்டும்’ என்பதை நினைவில் வைத்துக் கொள்ள எங்களுக்கு உதவுங்கள்.
• ஏனென்றால் நாங்கள் எதிர்கொள்ளும் எதையும் விட நீங்கள் பெரியவர்.
• மேலும் நாங்கள் உணருவதை விட உங்களிடம் ஒரு பெரிய திட்டம் உள்ளது. 
• ஏசாயா 43-ல் உள்ள உங்கள் வாக்குறுதியை நினைவுகூர எங்களுக்கு உதவுங்கள், 

பயப்படாதே, நான் உன்னோடே இருக்கிறேன்; நான் உன் சந்ததியைக் கிழக்கிலிருந்து வரப்பண்ணி, உன்னை மேற்கிலும் இருந்து கூட்டிச்சேர்ப்பேன்.

 -ஏசாயா 43 : 5

நான் வடக்கை நோக்கி: கொடு என்றும், தெற்கை நோக்கி: வைத்திராதே என்றும் சொல்லி, தூரத்திலிருந்து என் குமாரரையும், பூமியின் கடையாந்தரத்திலிருந்து என் குமாரத்திகளையும்,

 -ஏசாயா 43 : 6

நான் என் மகிமைக்கென்று சிருஷ்டித்து உருவாக்கிப் படைத்து, என் நாமந்தரிக்கப்பட்ட யாவரையும் கொண்டுவா என்பேன்.

 -ஏசாயா 43 : 7

• நான் உங்கள் தேவனாகிய கர்த்தர், இஸ்ரவேலின் பரிசுத்தர், உங்கள் இரட்சகர்: ஆமென்!